香港周圍都有好多中餐館，不過要搵間好食和夠地道正宗的店就唔係咁容易，而難得將軍澳就有一間中菜館係令人食過返尋味的－小編同屋企人都好鍾意食中菜，聽講將軍澳有間中菜好有水準，尤其係片皮鴨，印象中將軍澳片皮鴨有售的地方唔多，於是上星期晚就同屋企人一齊去試試。

去到見到晚市好多食客，本來以為要等一陣才有位（忘記了book枱），但職員好快就幫我地搵到位，而且成晚服務唔錯。

今次除了出名的將軍澳片皮鴨係必試之外，當然還要試埋將軍澳金公館中菜其他菜式。片皮鴨之外我地還叫了野山椒泡鳳爪、老壇子酸菜魚、霸王炒辣子雞、四川擔擔麵和杏汁白肺湯，每一樣都係好食：

片皮鴨－令人停唔到口 / 9分

真的沒想到可以在將軍澳中菜館食到片皮鴨，而且是好食、和以前在北京時食過的一樣好味，真的覺得好驚喜！將軍澳金公館的片皮鴨以傳統方法烤製，每一塊片切下來的烤鴨皮都是薄、脆、油香。值得一讚的是，師傅將鴨皮下那層過於肥膩的脂肪膏撇走，對於好似小編這些愛食片皮鴨又怕太油膩的香港人來說簡直是「完美」！而且撇走多餘脂肪後更加突出片皮鴨的香脆口感。

一碟片皮鴨（半隻）份量都幾多，夠4-5個人食，十分抵。片皮鴨的鴨皮油香脆口外，鴨肉亦不「鞋」口、咬落有肉汁，將鴨肉鴨皮連配料、醬料用摩摩皮包食起，放入口中，每口咀嚼都感受到充實有層次的口感和味道。

配料和醬料方面因為想食最正宗口味，所以我地就揀了最經典的京蔥、青瓜配搭甜麵醬和冰梅醬。京蔥絲、青瓜條是最能襯托片皮鴨的滋味，豐富口感同時清解油膩感，而且食材夠新鮮的關係明顯能食到配料本身的爽口；甜麵醬不是死甜味道，可以將烤製後的鴨香進一步引出來，更加香惹回味、冰梅醬的酸甜度亦調製得恰到好處，開胃解膩，很易令人將片皮鴨一口接一口食落去。

老壇子酸菜魚－鹹酸辣夠過癮 / 8分

除了片皮鴨，當晚在將軍澳金公館中菜另一道印象深刻的菜式是老壇子酸菜魚，上菜時看見一大盆已經令人吃驚，食落更是「嘩嘩」話。

按職員上菜時介紹，金公館有正宗四川師傅主理，而酸菜魚不論是材料還是秘製香料做法都是來自四川當地。食酸菜魚首先試了它的湯頭，清湯做底，清甜之餘鹹、酸、辣三味互補不搶，再細嚐還可以香辛料的胡麻味道，十分開胃。

湯中用料十足，魚肉夠嫩滑唔柴、酸菜無筋爽脆、粉皮晶瑩剔透兼煙韌彈牙，每一樣都有唔錯的享受（小編更因為酸菜魚和辣子雞食了兩碗白飯）！整體來看，老壇子酸菜魚湯連平時不太食酸菜的都能接受，但對愛食辣的朋友可能略嫌未夠辣，麻辣味再稍加強更好。

霸王辣子雞－皮香肉嫩 / 8分

再來和大家介紹一道愈食愈過癮的霸王辣子雞，第一眼看見可能被滿滿的辣椒嚇到，但實際食落又唔似想像中般辛竦。雞件經過醃製和煎炸，保持內嫩，然後與辣椒麻料一齊爆炒，惹味刺激，再加上腰果增加香氣和口感，令人食上癮。

每一口辣子雞都不停刺激口水分泌，同時令人想以「酸」幫助消膩解辣，這時一啖辣子雞一啖酸菜魚湯就成為不錯的組合，間中再餸一兩口白飯，令成餐飯變得更完滿。

山椒鳳爪／杏汁白肺湯／四川擔擔麵

前菜叫了野山椒泡鳳爪和杏汁白肺湯，鳳爪夠味又彈牙，作為開胃小菜和餸酒一流！杏汁白肺湯清甜滋味，而且絲毫食不到豬肺異味，一人一盅把所有湯料都飲盡食淨。

最後我地用四川擔擔麵作為結尾，香濃花生味湯底配上彈滑麵條，雖然簡單，但就令人對成餐京川菜感到回味無窮……

評分

味道：★★★★☆

服務：★★★☆☆

抵食：★★★★☆

總括而言，金公館的確是將軍澳中菜館中難得的好推介，食物質素正宗、有保證，而且價錢也十分親民，下次想食片皮鴨、嘆川菜將軍澳就有選擇。小編有機會一定會再食過！

店舖資料：

金公館（彩明商場）

地址：將軍澳彩明商場2樓251-252號舖

相關文章推薦閱讀：

【必食片皮鴨】將軍澳金公館中菜 正宗京川滬味道

【片皮鴨都有得外賣?】令人回味的香港片皮鴨中菜館@金公館

【香港正宗片皮鴨】孝敬爸媽之選 金公館抵食傳統京川滬風味

正宗四川師傅主理～將軍澳片皮鴨外賣 @「金公館」